I kor lange periodar kan du bære barnet ditt?

Vi blir ofte kontakta av foreldre som er bekymra for kor lenge om gangen dei kan bære eit barn - særleg nyfødte - i ei slynge. Svaret er at det er inga tidsbegrensing, verken på slynga eller ERGO bæreselen. 

Mange foreldre er blitt råda av helsepersonell til å ikkje bære barnet i meir enn korte periodar.  Men dei fleste barn vil bærast meir enn 20 minutt av gangen! Slike råd er basert på ei heilt anna type bæreanordning enn det vi i Babyslynga tilbyr. Dei fleste bæreselane som er i salg i Norge, er konstruert slik at barnet heng med beina rett ned. Da må ryggraden og hoftene bære heile vekta av kroppen til barnet, og dette er for mykje for eit lite barn. I tillegg gir det stort press på underlivet til barnet.   Ei slynge er noko heilt anna.

I ei slynge kan barnet ligge komfortabelt som i ei hengekøye. Ein kan også bære barnet vertikalt. Da vil heile kroppen få støtte av det stramme stoffet; barnet heng altså ikkje og dinglar slik som i enkelte bæreselar.

ERGO bæreselen er laga slik at barnet sit på rompa heilt inntil deg, slik at det får støtte av kroppen din. Dette er ei  meir naturleg stilling enn å henge med beina dinglande rett ned.

Kiropraktor Rochelle L. Casses, D.C.,  har skrive ein forskningsbasert artikkel om bæreselar og press på ryggraden hos babyar. Ifgl. henne skal ei god slynge ha desse eigenskapane:

• God hodestøtte før barnet kan holde hodet sjølv. "Ei slynge omsluttar barnet akkurat som armane dine, mens ein vertikal bæresele faktisk kan gi ein slags wiplash-skade".
• Barnet bør ikkje ha for mykje vekt på hoftene for tidleg, men skal helst ligge horisonalt, slik at ryggraden får støtte.
• Når barnet vil sitte oppe (rundt 4-5 mnd), bør slynga eller bæreselen gi barnet sjansen til å sitte med beina i kors, slik at vekta er fordelt utover beina og hoftene. Om barnet sit i ein bæresele der beina heng rett ned, vil den umodne ryggrada måtte bære heile vekta.

Det er også ein fordel om ein kan amme barnet i slynga og variere bærestillinga.

Både Maya Wrap-slyngene og ERGO bæreselen møter desse krava. Barnet kan ikkje sitte med beina i kryss i ERGO bæreselen, men fordi barnet sit på baken med beina spreidde utover, vil det i realiteten vere det samme.

Heile artikkelen finn du her.